Программная аккредитация – Биримкул атындагы орто мектеби

Билим берүү министирлиги тарабынан иштелип чыккан окуу программалары жана Мамлекеттик билим берүү стандартка, базистик планга ылайык календарлык — тематикалык пландар жазылып, алар негизги окуу планынын негизи болуп саналат жана ишке ашырууну камсыз кылат. Билим берүү чөйрөсүндө жарыяланган максаттар, суроо-талаптарды эске алуу менен, мектептеги билим берүүнүн деңгээли жана бардык кызыкдар тараптардын муктаждыктарына жооп берет.

Кыргыз Республикасынын Өкмөтүнүн 2014-жылдын 21-июлундагы “Кыргыз Республикасынын жалпы орто билимдин мамлекеттик билим берүү стандарттарын бекитүү жөнүндө”№403 токтомунун 3-главасына ылайык иштелип чыккан билим берүү стандарттарын ишке ашырат.

Окуу планын КРнын Билим Берүү жана илим министрлигинин 2021-жылдын 20-августундагы № 1460/1 буйругу менен бекитилген,2021-2022-окуу жылындагы окуу планынын

негизинде түзүлүп Сокулук райондук билим берүү бөлүмү менен макулдашылган.Билим берүү үч баскычты камтуу менен жүргүзүлөт.

· Жалпы башталгыч билим берүү-1-4-класстар

· Жалпы негизги билим берүү -5-9-класстар

· Жалпы орто билим берүү-10-11-класстар

2020-2021-окуу жылында Биримкул атындагы орто мектебинде 19 класс комплект жана 420 окуучу билим алат.Окутуу кыргыз тилинде жүргүзүлөт.Окуу планында жумалык жалпы саат 508саат

1 баскыч: 1-класс 20 саат, 2-класс 22 саат, 3-класс 24 саат, 4 класс – 25 саат.

2 баскыч: 5- класс 28 саат +1 саат компонент, 6 – класс 30 саат, 7 –класс -30 саат, 8- класс 29 саат+1 компонент. 9-класс 30саат.

3 баскыч: 10 класс 29 саат, 11 класс – 30 саат.

Мектепте Базистик окуу планы сунуш кылган, мектеп компоненти 5 жана 8-класстарында тарых сабагына киргизилген.

Кыргыз Республикасынын Өкмөтүнүн 2014-жылдын 21-июлундагы №403 токтому менен бекитилген Кыргыз Республикасынын жалпы орто билимдин Мамлекеттик билим берүү стандарттарына ылайык иш алып баруу менен Биримкул атындагы орто мектептин билим сапатын камсыздоо максатында 2021-жылдын 28-августунун №1 педагогикалык кеңешмеде бекитилген мектептин өнүгүү планында (стратегиялык план) жана учурдагы окутуунун жана тарбиялоонун жакшыртуу планында (ОТЖП) мектептин миссиясы жана максаты каралган. Мектепти жана кызыктар тараптарды өзүн-өзү баалоонун жыйынтыктары менен кошумча талаптар керек экендигин эске алуу менен киргизилген, ал эми толуктоолор, кошумчаланып жыл сайын анализделип киргизилип турат.

Мектептин миссиясы : Жалпы билим берүүчү мекеме болуу менен бирге,жалпы билим берүүдө ата-эне,коомчулук менен тыгыз байланышта болуу менен,алган билимдерин турмушта пайдалана алган,ар тараптан өнүккөн инсанды тарбиялоо.

Мектептин максаты: Окуу тарбия процессинде заманбап технологияларды пайдалануу аркылуу сапаттуу билим жана тарбия берүү менен компетенттүү инсанды окутуп,тарбиялоо.

Мектеп жамааты алдыга койгон максатка жетүү үчүн,төмөнкү стратегиялык планы түзүлгөн:

Мектептин миссиясы менен дал келген жана мамлекеттик билим беpүү стандарттарынын талаптарына ылайык так аныкталган билим беpүү максаттары иштелип чыккан:

· Курагына, жынысына, этностук, диндик белгилерине, жашаган жерине, акыл-эс жана дене бой өнүгүүсүнө,социалдык-экономикалык статусуна ж.б. карабастан, сапаттуу негизги жалпы жана жалпы орто билим алууга мүмкүнчүлүк берүү;

· Мектепте социалдык өнөктөштүктү өнүктүрүү;

· Мектепти жогорку квалификациялуу адистер менен камсыз кылуу;

· Мектепке чейинки уюмдарга барбаган балдар үчүн мектепке даярдоо класстарын уюштуруу;

Мектептин ишинде окуу жана методикалык адабиятттар кеңири колдонулат:

-инструкциялык карталар, сөздүктөр; -көрсөтмөкуралдар; -окутуунун техникалык каражаттары жана практикалык ишмердүүлүгү үчүн атайын каражаттар.

2021-2022-окуу жылында окуучулардын саны 420, алардын ичинде кыз балдар — 206 Улуттук курамы боюнча кыргыздар -100%Билим берүү уюму кызыкдар тараптардын керектөөлөрүнө карата төмөнкү структуралык бөлүктөр менен иш жүргүзөт:

Кызыкдар тараптардын керектөөлөрүнө жүргүзүлгөн иштердин жыйынтыгында мектепте биология, кыргыз тили жана

адабияты, тарых, орус тили жана адабияты, математика жана физика предметтеринен мугалимдердин ишмердүүлүгүнүн негизинде райондук, областтык олимпиадага жана ЖРТгө окуучуларды жигердүү даярдоо бүгүнкү күндө жакшы жыйынтыгын берүүдө

Мектепте окуучулардын контингентине карата окуу китептери менен камсыз болгон. Окутуу кыргыз тилинде жүргүзүлгөндүгүнө байланыштуу окуу китептери, кыргыз класстарына ылайыкташтырылган.

Мектептин китепканасы талапка ылайык келет.

Мектептин китеп фонду 80 %

Адабий китептер

кыргыз класстар -50 %

усулдук китептер 80 %

Интернетке кирүү мугалимдердин жана окуучулардын билим берүү ишмердүүлүгүндө электрондук ресурстарды колдонууга мүмкүндүк берет. Мектеп китепкана фондундагы окуу китептери билим берүү министри тарабынан 2021-2022-окуу жылына карата бекитилген окуу китептердин тизмеси менен дал келет. Китепкананын жалпы фонду 11580 даана анын ичинен окуу китептери 10659 даана, 621 даана методикалык китептер,усулдук китептер 300 түзөт.эл аралык проектилер менен иштешүүнүн негизинде да китепкананын фонду толукталып келет.

Жалпы мектеп боюнча окуучулардын китеп менен камсыз болушу:

1-4-класстар – 78%

5-6-класстар – 86%

7-8-класстар 79%

9-10-11-класстар -85% ти түзөт.

Мектепке Билим берүү министирлигинен китеп фондун эсепке алуу максатында компьютердик комплекти берилген.

Ата – энелер мектептеги китепкананы өнүктүрүүгө жардам беришти.

« Бир адамдан бир китеп» долборунун алкагында акция уюштурулуп, спонсолор тарабынан 1-класска 25 даана алиппе китеби 2021-2022-окуу жылына алынып берилип мектеп китепканасына китеп фондуна кошулду.

Мектептин маалымат коопсуздук системасы маалымат базаларынын жана андагы сыр сөзүн маалыматтардын массивдеринин коопсуздугун камсыздайт.Мугалимдер жана окуучулар кирүүгө мүмкүнчүлүгү бар электрондук почта көзөмөлдөнүп турат.Мындан тышкары ,баланын белгилүү бир сайттарга жеткиликтүүлүгүн чектеген программалык камсыздоо каралган.Бала үйдө ала турган маалыматтарды чектөө боюнча да милдеттер ата-энелерге жүктөлгөн.Бул бала катышкан баракчаларды көрүү зарыл.Аны издөө талдоонун негизинде жетүү окуу жайда белгиленген эсептоө менен чектелген сайттардын тизмесине өзгөртүүлөрдү киргизүүгө болот

Күчтүү жактары:

Мектепте тажрыйбалуу, ар тараптуу өнүккөн мугалимдердин болушу;

Окуучулардын билимин баалоо электрондук журнал менен жүргүзүлушү;

Бүтүрүүчүлөрдүн Кыргызстандын жана чет өлкөлөрдүн ЖОЖ билим алуусу;

Окуучулардын райондук жана областтык олимпиадалардагы ийгиликтери жана ага карата даярдоодогу мугалимдердин тажрыйбасы;

Окуу процессине кызыкдар болгон ата-энелердин көбөйүшү ;

Окуучулардын 89% окуу китептери менен камсыз болушу;

Алсыз жактар:

1. Адабий окуу китептеринин аздыгы.

2.Мугалимдер үчүн методикалык китепчелердин жетишсиздиги.

3.Заманбап инновациялык технологиялардын жетишсиздиги

Билим берүү уюмунда Кыргыз Республикасынын билим берүү мыйзамына ылайык билим берүү процессинде компетенттүүлүк мамилени ишке ашыруу аркылуу билим сапатын жогорулатуу үчүн оптималдуу шарттар түзүлгөн. Жаңы билим берүү программаларын жана стандарттарын киргизүүнүн контекстинде жана окурман башталгыч класстарда билим берүү стандарттары темасы боюнча окутулуп келет.. Билим берүүнүн сапатын жогорулатуу,олимпиадаларга, илимий сынактарга, борборлоштурулган тестирлөөгө даярдануу учурунда окуучулар менен тутумдун тренингдик сабактарын өткөрүүнүн формаларын жана методдорун өркүндөтүүгө өбөлгө түзулгөн. Үй-бүлө менен жигердүү кызматташуунун натыйжасында жашы жете –элек өспүрүмдөрдүн арасында жарандык, патриоттук, социалдык жоопкерчилик калыптанган.

Мектепте ар кандай технологиялар, практикалык иштер, жашоо образымугалимдердин өз ара аракеттенүү түрү, максаттар жана жыйынтыктар мамлекеттик стандарттарга ылайык.,

Мугалимдердин квалификациясын жогорулатуу боюнча маалымат (мониторинг)

Мугалимдер менен усулдук иш алып баруунун,мугалимдер тарабынан инновациялык технологияларды жана ыкмаларды колдонуу боюнча мониторинти далилдери бар.Мугалимдердин 60% кем эмес окутууда жана инновациялык ыкмаларды колдонуу көндүмдөрүнө ээ жана аларды практикада колдонот.Сабакка даярдануу жана өткөрүү,окуучулардын жетишкендиктерин текшерүү жана баалоодо инновациялык технологияларды колдонуу үчүн шарттар түзүлгөн.Мугалимдер компьютердик билимин жогорулатуу максатында атайын кошумча курсттарды окуп келишет.

Мектептин миссиясы менен дал келген мамлекеттик билим берүү стандартына так аныкталган билим берүү максаттары иштелип чыккан

1.Курагына,жынысына,акыл-эс жана дене боюунун түзүлүшүнө карабастан сапаттуу негизги жалпы жана жалпы орто билим алууга мүмкүнчүлүк берүү

2.Мектепте 10-11-класстардын базасында профилдик баскычка өтүү жана негизги жалпы билим алган окуучуга адистикти тандоого мумкунчүлук берүү.

3.Мектепте социалдык онөктөштүктү өнүктүрүү ошондой эле мектептин өнүктүрүү планында:

· Ден-соолугунан мүмкүнчүлүгү чектелген окуучуларга билим берүүнү уюштуруу

· 9-10-11-класстардын окуучуларын кесипке багыт берүү

· Мугалимдердин квалификациясын жогоруулатуу курстарынан окутууга шарт түзүү.

МКТны колдонуу сабактарды жогорку эстетикалык деңгээлде өткөрүүгө мүмкүндүк берет жана көп нерсени билүүгө үйрөтөт.

Биримкул атындагы орто мектебинде 1- проектор, 13компьютер,

1 ноутбук,1 принтер бар.

Интернет булагы менен камсыз болгон.

Мугалимдер жаңы технологияларды төмөндөгү максаттарда колдонушат:

ачык сабактар, райондук семинарлар, класстан тышкаркы иштерде, ата -энелер чогулуштарында.

Сабактарды өтүүдө жана окуучулардын билимин баалоодо инновациялык-технологияларды колдонуучу предметтердин тизмеси.

Ар бир мугалим сабакка даярданууда,план тузүүдө сөзсүз кайсы усулдарды колдоноорун жана канткенде окуучу менен мугалимдин ортосунда кайтарым байланыш болоорун аныктайт Кайтарым байланыш механизмдери — бул окуу процессин башкаруунун өбөлгөсү. Сабактын заманбап талаптары эффективдүү окутуунун негизги шарты болуп, билимди мугалимден окуучуга өткөрүп берүү эмес, балдарга өзүн-өзү башкаруу жана өз алдынча билим алуу ыкмаларын үйрөтүү жолу менен түзүлдү.

Предметтик билим гана эмес, ошол билимди иш жүзүндө колдоно билүү да маанилүү. Бул үчүн ар кандай байланыш механизмдери колдонулат.Жалпы билим берүү уюмундагы кайтарым байланыш3 өз ара урматтоо жана жакшы санаалаштык кырдаалында өтөт.Кайтарым байланыштын жардамы менен окуучу билим алуудагы өзүнүн деңгээлин түшүнүүгө жардам берет жана алдыга жылуу үчүн конкреттүү сунуштарды алат, ал эми мугалим окутуунун жаңы ыкмаларын тандоо менен ушул кемчиликтерди түшүнүүгө жана алардын иш-аракеттерине өзгөртүүлөрдү киргизүүгө жардам берет. Кайтарым байланыш механизмдери:

· сурамжылоо

· байкоо

· өзүн-өзү контролдоо

· үй тапшырмалары

· өз алдынча иштөө.

· Орто окуган окуучлар менен иштөө

Мектепте андан кийинки талдоо менен сабактарга өз ара катышуу жүзөгө ашырылат.Педагогдордун өзүн-өзү баалоо формалары колдонулат.Кайтарым байланыш алуу максатында ата-энелер чогулушу өткөрүлүп төмөндөгүдөй ата-энелерден сурамжылоо жүргүзүлот.

Багыты	Мааниси
Багыты	Ооба	Жок	Билбейм
Окуутунун сапаты	93%	0	7%
Мугалимдердин кесипкөйлүүлүгү	95%	0	5%
Жагымдуу социалдык-психологиялык абал	87%	2%	11%
Окуучулардын жашоосунун сергек мүнөзү	78%	3%	19%

Сабактын талдоо картасы,мектепте колдонулган сабактын планынын макети.

Сабактын жүрүшү.

Балдарды шыктандыруу максатында берилүүчү стипендия

Билим берүү уюмунда объективдүү ачык-айкын баалоо процесси, окуучулардын билим берүү жана таанып-билүү иш-аракеттерине байкоо жүргүзүлөт. Окутуунун сапатын жогорулатуунун резерви болуп, сабакта туруктуу контроль анын негизги элементтеринин бири болуп калат. Баалоо тутуму критерийлердин негизинде курулган тышкы жана ички баалоону камтыйт: интроспекция, өзүн-өзү контролдоо, өз ара баалоо, ой жүгүртүү. Мектепте контролдоо жана баалоо иш-чараларын жүргүзүү менен, контролдоонун негизги функциялары ишке ашырылат: окутуу, билим берүү, маалыматтык, диагностикалык.

Мамлекеттик стандартта убактысы, баалоонун диагностикалык, маалыматтык жана суммативдүү түрлөрүн өткөрүү белгиленген. Мугалимдер баалоонун бул түрлөрүн ар бир окуучунун баштапкы базалык деңгээлин аныктоо үчүн окуу процессинин белгилүү бир этабында диагностикада жүргүзүшөт, ар бир окуучунун баштапкы деңгээлинин аныктоо үчүн диагностикалык; окуу процессине түзөтүүлөрдү киргизүү үчүн окуучулардын орто билим жетишкендиктерин калыптандыруучу баалоо, белгилүү бир мезгил ичинде окуучулардын билим жетишкендиктеринин деңгээлин аныктоо максатында суммативдүү баалоо колдонулат.

Ата -энелерге жана мугалимдерге өз убагында маалымдоо максатында: мектептин ишмердүүлүгүндөгү учурдагы өзгөрүүлөр, ЖРТ, НЦТ нин жыйынтыктары жана башка билим берүү жетишкендиктери жөнүндө билдирилип турат.Биримкул атындагы орто мектебинде

· “Ата-Энелер үчүн”,

· “Бүтүрүүчүлөр бурчу”,

· “Мектеп парламенти”,

· “Класстык бурч”,

· “Жетишкендиктер бурчу”,

“Мектептин сыймыктары” деген стенттери уюштурулган. Баалоонун жыйынтыгы боюнча кайра кароо тартиби ички жергиликтүү актылар менен жөнгө салынат, атайын конфликт коммиссиясы түзүлгөн. Конфликт коммиссиясы директордун буйругу менен бекитилген. Акыркы 5 жыл ичинде конфликт коммиссиясына атайын арыздар катталган эмес.

Мамлекеттик жыйынтыктоочу экзамен
ЖРТнүн жыйынтыгы(5 жылдык салыштыруу анализи).

Окуу жылынын башында бардык мугалимдерге,техперсоналдарга жана окуучуларга өрт коопсуздугу,техникалык коопсуздук эрежелери,жол эрежелери тууралуу инструктаж өткөрүлүп журналдарга кол коюлат.

Окуу корпусунда,окуу кабинеттеринде,китепканада ,ашканада,мектеп территориясында бардык санитардык гигиеналык эрежелер сакталат.Окуу кабинеттерин жарыктандыруу,класстардын жасалгалары,окуу мебелдери,жылуулук температурасы белгиленген нормага ылайык келет.Мектеп ашканасындагы инвентарлар,тамак ичүүдө колдонулган идиш-аяктар,тазалык маселелери жөнгө салынып,милдеттүү талаптар аткарылат.

Жеке профилактикалык иштер жүргүзүлүп турат, анын негизги формалары болуп төмөнкүлөр саналат:

— үй шартында окутулган балдарга баруу, алардын үй -бүлө тарбиясынын шарттарын көзөмөлдөө жана бош убактысын, сабакка даярдануусун уюштуруу.

— өспүрүмдөрдүн инсандык өзгөчөлүктөрүн изилдөө, алардын жүрүм -турумун оңдоо сабактары коммуникативдик көндүмдөргө үйрөтүү

— окуучулардын класстагы даярдык деңгээлин аныктоо үчүн сабактарга катышуу, боштуктарды толтурууга жардам берет

— өспүрүмдөрдү тарбиялоодо жана окутууда бирдей мамилелерди иштеп чыгуу максатында предметтик мугалимдердин ата -энелерине психологиялык -педагогикалык консультация берүү

— Профилактика кеңешинин жыйыны

— өспүрүмдөрдү ийримдерге катыштыруу жана класстын жана мектептин тарбиялык иштери аркылуу коомдук маанилүү иштерге тартуу.

Ошентип, жүрүм -турумунда четтөөлөрү бар бардык жашы жете электер класс жетекчилеринин жана мектеп администрациясынын дайыма көзөмөлүндө. Ийримдик иштердин багыттары тарбия иштеринин милдеттерине туура келет. 2020-2021 окуу жылына карата балдар ийримдерин камтуу 162баланы түзөт, б.а. мектептин бардык окуучуларынын 34% ын түзөт. Окучуулардын 30% кошумча ийримдерге катышып, чеберчиликтерин өстүрүүдө.

* каникул убагында сабакка даярдануу;

* Өспүрүмдөрдүн инсандык өзгөчөлүктөрүн изилдөө, алардын жүрүм-турумун түзөтүү боюнча сабактар, баарлашуу көндүмдөрүнө үйрөтүү;

* Сабактарда окуучулардын билим деңгээлин билүү максатында катышуу, билим жетишпестиктерин жоюуга жардам берүү;

* Өспүрүмдөрдү тарбиялоодо жана окутууда бирдиктүү мамилени иштеп чыгуу максатында ата — энелерге, предметтик мугалимдерге психологиялык — педагогикалык консультация берүү;

* Профилактика кеңешинин жыйындары;

* Өспүрүмдөрдү кружоктого жана тарбиялык иш – чаралар аркылуу коомдук маанилүү ишке тартуу.

Ошентип, жүрүм-туруму жагынан чектөөсү бар бардык жашы жете элек балдар машыккан жетекчилердин жана мектеп администрациясынын көзөмөлүндө тур

Азыркы этапта окуучулардын билиминин сапатын баалоонун объективдүүлүгү жалпы билим берүү уюму тарабынан ички жана тышкы баалоонун негизинде жүргүзүлөт. Билим сапатын баалоо процессине кыйла олуттуу талаптар коюлат. Мектептин өнүгүүсүнүн стратегиялык планына ылайык жыл башында милдеттүү сабактар боюнча киришүү тестирлөө өткөрүлөт, жыл ичинде билимин текшерүү үчүн жыйынтыктоочу текшерүүлөр алынып турат, окуучулардын тышкы баалоосу (НЦТ, ОРТ), которулма экзамендер.Мониторингдердин натыйжалары УБдин отурумдарында, окуу кеңешмелеринде, усулдук кеңеште, педагогикалык кеңеште, ата-энелер чогулуштарда кылдат талданат. Акыркы 5жылдык мониторингди алып карасак, окуу динамикасында өсүү байкалат. Биринчи баскычта 40%-50 % жогорулады, ортоңку баскычта бир ас төмөндөө байкалды. Ал эми үчүнчү баскычта 7% га жогорулады. Окуу жылынын аягында бардык класстар, окутуу баскычтары, мектеп боюнча билим сапаты жана жетишкендиктеринин жыйынтыктары чыгарылат. Бул иш билимдин сапатын көзөмөлдөө максатында салыштырмалуу талдоо жүргүзүүгө мүмкүндүк берет.

5 жылдын ЖМА жыйынтыктарын анализдөө менен ЖРТнын көрсөткүчтөрү билим сапатын жогорулатуу боюнча бардык звенолордун системдүү ишинин жыйынтыгы болуп калды деп айтууга болот. 5 жыл үчүн баллдын орточо мааниси 120дан 156 баллга чейин кармалат. Олимпиада жыйынтыгына жүргүзүлгөн мониторингдин жыйынтыгы менен, акыркы 5 жылдан бери Биримкул атындагы орто мектепте байге орундарынын саны боюнча 1 ден 3-кө чейин жогорулагандыгын белгилейт. Жогорку көрсөткүчтөр гуманитардык жана эстетикалык гуманитардык циклдеги сабактар боюнча эле, англис тили, математика,химия жана орус тили боюнча байгелүү орундар жок. Окуучулардын окуу жүктөмүнө, жетишүүсүнө мониторинг окуу сабактарынын жана бүтүрүү класстарындагы НЦТ багыты боюнча облустук тестирлөөнүн акыркы жыйынтыгы боюнча жүргүзүлөт. Жыйынтык окуу-тарбиялоо процессинин

катышуучуларына жеткирилет.

5- жылдык мониторингди талдоо боюнча, анализдөө комиссия төмөндөгүлөрдү белгилейт: бул акыркы 5 жылда 11 – класстын окуучуларынын билим сапаты 8% пайызга жогорулады, анткени бүтүрүүчүлөр ЖОЖ өтүүгө кызыкдар. 9-10-класстарда НЦТга катышуучуларынын санынын көбөйгөндүгүнө байланыштуу билимдин сапатынын жогорулоосу байкалат.

Мектептеги мониторингдин максаты билим берүүнүн абалын натыйжалуу чагылдырууну камсыздоо, иштин жыйынтыктарын аналитикалык жактан жалпылоо, аны камсыздоонун жана өнүктүрүүнүн болжолун иштеп чыгуу болуп саналат. Биздин мектепте баалоо мектептин ички көзөмөлүнүн планына ылайык ишке ашырылат.

Мектепте жүргүзүлгөн мониторингдин максаты: билим сапатынын деңгээлин аныктоо жана мугалимдердин ишмердүүлүгүн тактоо болуп саналат. Билим сапатынын текшерүүдө метод бирикмелерге предметтик айлыктарды өткөрүү үчүн тапшырмалар берилет, чейректик баалоолор, жыйынтык бааларды топтоо жыйымы контролдук жана текшерүүчү иштер, контролдук иштердин нормалары боюнча иш жүргүзүлөт. Жүргүзүлгөн иштердин анализи метод бирикмелерде, директор алдындагы кеңешмеде каралат. Жыйынтыктары мектеп жамаатынын

Окуучулардын ата-энелеринин (мыйзамдуу өкүлдөрүнүн) жана кызыкдар тараптардын кайрылуулары, арыздары жана даттануулары Биримкул атындагы орто мектебинин “Билим берүү мамилелеринин катышуучуларынын ортосундагы талаштарды жөнгө салуу боюнча комиссия түзүү, ишин уюштуруу, чечимдерди кабыл алуу жана алардын аткарылышы жөнүндө” жобого ылайык каралат.

Кайрылуу жазуу түрүндө берилет. Даттанууда билим берүү мамилелеринин катышуучуларынын укуктарын бузган айкын фактылар же белгилер, бузууга жол берген адамдар, жагдайлар көрсөтүлөт. Кайрылуунун негизинде талаштарды жөнгө салуу боюнча комиссия тарабынан 10 окуу күнүнүн ичинде кырдаалга талдоо жүргүзүлөт жана жыйындын жыйынтыгы боюнча чечим кабыл алынат. Комиссиянын жыйналышына кайрылуу жөнөткөн адамдар да, аракеттери кайрылууда коюлган адамдар да катыша алышат. Кайрылууларды объективдүү жана ар тараптуу кароо үчүн комиссия жыйындарга тартууга жана билим берүү мамилелеринин башка катышуучуларын угууга укуктуу. Комиссия жыйынга катышкан мүчөлөрдүн жөнөкөй көпчүлүк добушу менен чечим кабыл алат. Билим берүү мамилелеринин катышуучуларынын укуктарын бузуу фактылары аныкталган учурда, комиссия бузулган укуктарды калыбына келтирүүгө багытталган чечим кабыл алат. Бузууга жол берген адамдарга укуктарын бузуу менен окуучулардын, ата-энелердин (мыйзамдуу өкүлдөрүнүн) жашы жете элек окуган, ошондой эле уюмдун кызматкерлеринин, комиссия эрежелерди бузууларды жою жана келечекте болтурбоо милдеттерин жүктөйт. Эгерде мектептик комиссия даттанууну негизсиз деп эсептесе, арыз ээсинин укуктарын бузуу боюнча даттанууну канааттандыруудан баш тартат. Комиссиянын чечими протокол менен бекитилет, билим берүү мамилелеринин бардык катышуучулары аткарууга милдеттүү жана көрсөтүлгөн мөөнөттө окуучулардын ата-энелеринин оозеки кайрылуулары аткарылууга тийиш жана мектептин директору тарабынан кайрылуулар журналына жазылат.

Билим берүү программасынын катышуучуларынын укук бузууларга чара көрүү жол-жоболору төмөнкү жоболор менен регламенттелет:

-Биримкул атындагы орто мектебинин “Билим берүү мамилелеринин катышуучуларынын ортосундагы талаштарды жөнгө салуу боюнча

комиссия түзүү, ишин уюштуруу, чечимдерди кабыл алуу жана алардын аткарылышы жөнүндө” жобосу

-Биримкул атындагы орто мектебинин “Профилактика уюму жөнүндө” жобосу.

Алдын алуу кеңеши жашы жетпегендерге төмөнкүдөй таасир этүү чараларын колдонууга укуктуу:

эл алдында же жеке түрдө жабыр тартуучудан кечирим суроого милдеттендирүү;;

— мектеп ичиндеги каттоого коюу;

— жалпы билим берүү мекемесинин администрациясына өтүнүч берүүгө:

а) эскертүү берүү жөнүндө;

б) сөгүш же катуу сөгүш жарыялоо жөнүндө;

в) жашы жете электер боюнча ИДН ге өтүнүч кат жөнөтүү жөндө;

Жашы жетелек балдардын ата-энелерине:

а) ата-энелерди педагогикалык кеңешке чакыруу жөнүндө;

Б) ИДНге сунуштама жөнөтүү жөнүндө;

Мектептин совет профилактикасы

Күчтүү жактар:1.Тажрыйбасы менен методикасы айкалышкан мугалимдердин сабак берүүсү.

2.Инновациялык-технологияны жогорку сапатта өздөштүргөн мугалимдердин сабак өтүшү.

3.ЖРТ жана райондук олимпиадага катышкан окуучулардын ийгиликтерге жетишиши .

Алсыз жактар: 1.Кээ бир ата-энелердин балдарынын билим алуусуна көңүл кош мамиле жасагандыгы

2.Мектепте окуучулардын укугу жогору,ал эми мугалимдин кадыр-баркынын төмөндүгү мугалим окуучудан канааттандырарлык жооп ала албагандыгы бүгүнкү күндөгү чоң көйгөй.

Жалпы билим берүү уюмунун педагогикалык жамаатынын штаты ишке ашырылып жаткан программаларга жана билим берүү процессинин талаптарына дал келет. Мектепте 28 мугалим эмгектенет, алардын 2өө учурда төрөт өргүүдө. Мугалимдердан 90 % жогорку билимдүү. Мугалимдердин 100% квалификациялык адистикке ылайык иштешет. Билим берүнүн мыктысы- 9 мугалим. Жыл сайын мектеп кызматкерлери кыска мөөнөттүү квалификациясын жогорулатуу курстарынан өтүп турушат.

Билими боюнча:

Жогорку-26

Атайын орто билимдүү-2

Эмгек стажы боюнча:

5-жылга чейин – 5

10-15 ж чейин -10

20-30 ж. чейин — 8

30 ж. жогору – 5

Кыргыз Республикасынын Эмгек кодексинин 144-беренесинин негизинде мектепте төмөнкүлөр иштелип чыкты жана кабыл алынды «Сокулук районунун Биримкул атындагы орто мектебинин кызматкерлери үчүн ички эмгек тартибинин эрежеси». Ишке талаптарга ылайык келген жана билим жөнүндө документтер менен ырасталган зарыл кесиптик-педагогикалык квалификациясы бар адамдар кабыл алынат.

Ишке кабыл алууда төмөнкү документтер берилет (КР БК 64-бер.):

— ден соолугунун абалы жөнүндө медициналык корутунду ;

— паспорт же инсандыкты күбөлөндүргөн башка документ ;

— эмгек китепчеси , буга эмгек келишими биринчи жолу түзүлгөн же кызматкер айкалыштырып иштөө шарттарында ишке кирип келген учурлар кирбейт;

-ИННдин көчүрмөсү;

— Мамлекеттик пенсиялык камсыздандыруунун камсыздандыруу күбөлүгү;

— аскердик каттоо документтери;

— тиешелүү билими жөнүндө документ.

Жогоруда саналып өткөн документтерсиз ишке кабыл алууга жол берилбейт.

Ишке кабыл алууда эмгек контракты (Эмгек кодексинин 58-беренеси) кызматкер менен администрациянын өкүлүнүн ортосунда жазуу жүзүндө түзүлөт.

Жаңыдан келген кызматкер төмөнкүдөй документтер менен таанышат:

— «Мектептин уставы»;

— ички эмгек тартибинин эрежелери;

— эмгекти коргоо жана коопсуздук техникасынын эрежелерин сактоо буйругу;

— кызматтык нускама;

— кызматкердин эмгек ишин жөнгө салуучу башка локалдуу актыларды.

Кызматкерге өздүк баракчасы, эмгек китепчеси ( КР СК 65-бер.) ачылат.

Иш күнүнүн узактыгы жумалык окуу жана кошумча коомдук жүктөмдөргө жараша белгиленет.

Кыргыз Республикасынын “Мугалимдин статусу жөнүндө”, жана КР “Эмгек кодексине” ылайык эки тараптуу келишимдер жүргүзү лөт.

Кадрларды жаш адистер менен толуктоонун негизги булагы — бул педагогикалык окуу жайлар.Мектептин башчысынын орун басарларын алмаштыруу өзүнүн кадрдык резервинен жүргүзүлөт. Жетекчи кызматтарга дайындоодо мектеп директору чечим кабыл алат. Кызматкерди бир кызматтан экинчи кызматка которууда анын кызыкчылыгы жана мектептин кызыкчылыгы эске алынат.Кызматкерди мурунку кызмат ордунда мажбурлап кармап турууга жол берилбейт. Мектеп жетекчисинин орун басарларын тандоодо алардын сапатына баа берилет:

-вакансия профилиндеги квалификациясы жана иш тажрыйбасы, ошондой эле менеджердик иш стажы

-командалык иштөө стилинин принциптери менен макулдашуу;

-демилге, көзкарандысыздык, активдүүлүк;

-адамдар менен иштөөнүн оң тажрыйбасы;

-мансап тепкичинен көтөрүлүүнү каалоо;

-пландаштыруу, уюштуруу, контролдоо, чечим кабыл алуу көндүмдөрү.

Мектеп кызматкерлерине эмгекти коргоо, коопсуздук жана ушул сыяктуу мыйзамдарга таандык башка багыттар боюнча окутуулар өткөрүлөт. Мектеп ар бир адамга квалификациясын жогорулатуу институттарында жана окуу семинарлары, конкурстарга жана конференцияларга катышуу аркылуу үзгүлтүксүз окутууну уюштуруу менен адистердин кесиптик квалификациясын сактап калуу зарыл деп эсептейт. Мектеп өз кызматкерлерине окуу жылындагы тарификацияга ылайык эмгек акынын туруктуу бөлүгүн төлөп берет

Ишке кабыл алууда төмөнкү документтер берилет (КР БК 64-бер.):

— ден соолугунун абалы жөнүндө медициналык корутунду ;

— паспорт же инсандыкты күбөлөндүргөн башка документ ;

-ИННдин көчүрмөсү;

— Мамлекеттик пенсиялык камсыздандыруунун камсыздандыруу күбөлүгү;

— аскердик каттоо документтери;

— тиешелүү билими жөнүндө документ.

Жогоруда саналып өткөн документтерсиз ишке кабыл алууга жол берилбейт.

Жаңыдан келген кызматкер төмөнкүдөй документтер менен таанышат:

— «Мектептин уставы»;

— ички эмгек тартибинин эрежелери;

— эмгекти коргоо жана коопсуздук техникасынын эрежелерин сактоо буйругу;;

— кызматтык нускама;

— кызматкердин эмгек ишин жөнгө салуучу башка локалдуу актыларды.

Кызматкерге өздүк баракчасы, эмгек китепчеси ( КР СК 65-бер.) ачылат.

Иш күнүнүн узактыгы жумалык окуу жана кошумча коомдук жүктөмдөргө жараша белгиленет.

Мугалимдин үзгүлтүксүз билим алуусу анын интеллектуалдык, адеп-ахлактык касиеттеринин шартта өсүүсүнө, өзүнүн коомдук маанисин, бийик жеке жоопкерчилигин, таанып-билүү активдүүлүгүн, өзүн-өзү өркүндөтүүсүнө жардам берет.

Педагогдордун үзгүлтүксүз билим алуусу Жогорку окуу жайларында жана башка билим берүү мекемелеринде, мектептин, райондун ичинде методикалык иштердин ар кандай формалары аркылуу квалификацияны жогорулатуу курстарында ишке ашат:

-квалификацияны жогорулатуу курстары;

-мектеп ичинде же башка мектептерде семинарлар;

-предметтик-усулдук бирикмелердин ишмердүүлүгү;

-мектептин бирдиктүү методикалык темасы (көйгөй) боюнча иштөө;

— ачык сабактарды даярдоо жана өткөрүү, аларга баруу жана талдоо боюнча иштер;

— насаатчылык;

— алдыңкы педагогикалык тажрыйбаларды изилдөө, жалпылоо жана жайылтуу;

— жекече өзүн-өзү окутуу иши.

Педагогдордун квалификациясын жогорулатуу алдында (Бишкек ш.) квалификацияны жогорулатуу курстарында ишке ашырылат.

Курстардан өтүү мезгили 5 жылда 1 жолу.

Квалификацияны жогорулатуу курстарынан өтүү планы азыркы учурда 70% да, 2015-жылдан 2021-жылга чейинки курстан 17 киши өттү.

Мектепте жыл сайын «Жылдын мугалими», «мугалимдин мыкты портфолио» сынактары өтүп, алардын бир критерийи болуп, квалификацияны жогорулатуу курсунан өткөндүгү тууралуу маалымат саналат.

Биримкул атындагы орто мектеби Сокулук районунда өткөрүлүүчү 2018 — “Жылдын мыкты мугалими” конкурсунан, Кыдырбаева Бактыгүл Ишеновна 3 орунга ээ болду.

2010-“Жылдын мыкты мугалими” конкурсунан Кытаева Света Тагайбековна. “Жылдын мыкты мугалим-2010” конкурсунда райондон гранприни. Областан 1-орунду, ал эми Республикадан тарых сабагы боюнча 5- орунга жеткен бул да болсо мугалимдин чеберчилиги болуп саналат.

Ал эми,мугалимдерди шыктандыруу максатында математика сабагынын мугалимдерине Жусуп Тузабаев атындагы 1-жолу берилүүчү сый акы берилет.Ал эми окуучулар үчүн алган балына жараша стипендия берилет.

Күчтүү жактар: Коллектив педагогикалык адистер менен толукталган:

жогорку билимдүү-80 % пайыз,

орто билимдүү — 20% мугалимдер түзөт. Административдик кызматкерлер профессионалдардан турат. Мамлекеттик программалардын аткарылышы контролдонот, ар кандай деңгээлдеги билим берүү мекемелери сунуш кылган методика өздөштүрүлөт жана колдонулат. Мугалимдер мамлекеттик мекемелер тарабынан уюштурулган курстарга, семинарларга жана тренингдерге катышып, жалпы билим берүү уюмунда квалификациясын жогорулатуу менен педагогикалык чеберчиликтин деңгээлин дайыма жогорулатып турушат. Билим берүү чөйрөсүндөгү инфраструктурасы өнүккөн, кружоктор жана секциялар иштейт.

Алсыз жактар:

Каражаттын жетишсиздигинен коопсуздук кызматы жана медициналык персонал жок. Мектептин улуу муундагы педагогторунун кээ бирлери компьютердик сабаттуулукту толук өздөштүрө албай жатышат.

Мектепте 1- китеп кана, 1- информатика кабинети, 13 компьютер, 1-ноутбук, 2 – телевизор бар. Мектепте интернет кошулган 1 компьютер интернет чынжырчасына туташтырылган. Бул мугалимдерге иш-чараларды даярдоодо, материалдык ресурстарды табууда жардам берет, аларды билим берүү прецессин сапаттуу жүргүзүү үчүн жетиштүү көлөмдө мугалимдерге жана окуучуларга сунуш кылышат. Мугалимдердин 80% зы сабактарда ИКТны колдонушат.

Мектептин спорттук аянтчасы жана спорт залы бар. Алар спорттук инвентарлар менен жабдылган .

Жабдуулары менен материалдык-техникалык база талаптарга жооп берет, акыркы жылдары позитивдүү динамиканы берет, демөөрчүлөрдүн жардамы менен үзгүлтүксүз көбөйүп, жаңыланып турат.

Мектеп окуу иштери боюнча мезгилдүү басма сөзгө тынымсыз жазылып турат.

Материалдык-техникалык база

Мектепте иш күнүндө мугалимдердин дежурствосу түзүлгөн.

Дежур мугалимде төмөнкү документтер уюштурулган:

— келүүчүлөрдү эсепке алуу журналы;

— сабактардын расписаниеси;

— ийримдердин (секциялардын)ишинин расписаниеси;

— сабактардын танаписи;

— кызмат адамдарынын жана мугалимдердин кезметчилик графиги;

Мектептин аймагы дайыма тазалыкта жайгашкан, жалбырактарын, кургак чөптөрдү тазалайт жана аймагынан алып чыгат. Эвакуациялык өткөөлдөр эркин жана кандайдыр бир буюмдар менен тосмолонбойт. 1 даана сандагы өрт өчүргүчтөр коридорлордо 1,5 метр бийиктикте залда жайгаштырылган. Көрүнүктүү жерде мектеп директору тарабынан бекитилген эвакуация планы илинет.

Бардык окуу кабинеттеринде, ашканада, дене тарбия мугалимдеринде медициналык аптечкалар бар. Мугалимдерге жана класс жетекчилер тарабынан окуучулардын сабактарда, тарбиялоо иш-чараларында жана башка жумуштарда эмгекти коргоо боюнча үзгүлтүксүз инструктаж өткөрүлүп турат. Мектепте №2 буйруктун негизинде “Ыктыярчылар тобу” түзүлгөн жана милдеттери менен тааныштырылган. Санитардык эрежелерди жана ченемдерди сактоо максатында .

Мектеп окуучулар үчүн шарттарды түзүү боюнча максатка багытталган иштерди жүргүзүп жатат. Сапаттуу суу менен камсыздалынган, окуучулар үчүн каалаган убакта ичүүчү сууга тоскоолдуксуз жетүү мүмкүнчүлүгү бар. Тамактапнуучу жайда колду жуу үчүн атайы бөлмөдө 30 орунга туура келгендей кылып 6 кран коюлган. Мектепте дайыма тазалоо иштери жүрүп турат, жума күндөрү кызматкерлер тарабынан башкы тазалоо иштери жүргүзүлөт. Окуу кабинеттери, ар кандай бөлмөлүү өсүмдүктөр менен жашылдандырылган. Мектептин аймагы тосулган, жетиштүү санда бак-дарактар, жемиш бактары, балатылар, бадалдар отургузулган. Бардык класстарда жетиштүү жарык берүү туура коюлган. Мектептин терезелери пласстик терезелерге жана мектептин чатыры темирге алмаштырылган.

Ар бир танаписте кабинеттер желдетилип турат. Жылуулук режими 18⁰ -24⁰ сакталат.

Тамак-аш менюга ылайык берилет. Нан-булочка азыктары тамак-аш контейнерлерде сакталат. Бардык азыктары күбөлөндүрүлгөн, сапаттуу жана коопсуздук азыктарды мектептин окуу бөлүмүнун башчысы көзөмөлдөйт. Башталгыч мектептерде акысыз тамак-аш жасоо үчүн идиш-аяктар жетиштүү санда стеллаждарга жайгаштырылган. Сынык идиштер колдонулбайт. Ашканадагы жабдуулар жана шаймандар маркировкаланган.

Мектептин материалдык-техникалык базасын жана маалыматтык ресурстарын өркүндөтүү максатында, инвестиция тартуу боюнча социалдык өнөктөш катары иштейт, долбоордук иш-чараларды даярдайт, коомдук фонддор менен кызматташууну жөнгө салат. Жыл сайын инвентаризациялоо боюнча актылар түзүлөт, мектеп жабдууларынын сакталышы дайыма байкоого алынат. Спорттук инвентарлар, мектеп эмереги, мектепти жакшыртуу максатында бөлүнгөн каражаттардын эсебинен алынып турат. Материалдык – техникалык базанын абалы жана материалдык-техникалык

мектеп имараттары, негизинен санитардык жана өрт коопсуздугу боюнча талаптарга жооп берет.

Бул чөйрөдө коопсуздукту баалоо жүргүзүлүп жатат, мектепте коопсуздук паспорту бар.

Күчтүү жактар:

Мектептин аймагына жакын жерде жөө адамдар өтүүчү өтмөктүн болушу.

Өлкөнүн санариптештирүү программасын ишке ашырып, мектеп мугалимдеринин интернет-ресурсун колдонуп, “Эл мектеп” электрондук күндөлүгүн, “Жаңы китеп”, ИСУО маалыматтык системалары менен иштешет.

Сунуш-көрсөтмөлөр: Окуучулардын коопсуздугун камсыз кылуу, мектептин материалдык-техникалык базасын жакшыртуу боюнча ишти улантуу.

Алсыз жактар:

Мектептин өрт коопсуздугунун жарым-жартылай жетишсиздиги. Интерактивдүү доскалардын, проекторлордун, телевизорлордун, компьютерлердин жетишсиздиги.